قالب وردپرس درنا توس

Ayətullah Xamenei: “Düşmənlər iğtişaşlara yenidən cəhd etsələr, başları yenə daşa dəyəcək”

İran İslam Respublikasının ali dini lideri Ayətullah Seyid Əli Xamenei İranda baş verən son iğtişaşlarla bağlı İranın Qum şəhərində minlərlə şəhər sakini qarşısında çıxış edib.

 

Ayətullah Seyid Əli Xamenei Qum camaatına müraciət edərək bunları söyləyib:

“İranın müxtəlif bölgələrində böyük və kiçik şəhərlərində iğtişaşlar başlayan gündən xalqın mitinqləri başladı. Düşmən muzdurlarının öz işindən əl götürmədiyini gördükdə yürüşlər daha da çoxaldı. Sonrakı günlər Məşhəddə, Şirazda, İsfahanda, Təbrizdə, Qumda, Əhvazda, Həmadanda, Kermanşahda və digər şəhərlərdə mitinqlər keçirildi. Bunlar adi hadisələr deyil. Mən bunu sizə məlumatlı şəkildə deyirəm. Xalqın, düşmənin hiyləsi qarşısında bu cür ayıqlığı və motivasiyası dünyanın heç bir yerində görülməyib və 40 ildir davam edir. Düşmənin 40 il ərzində qarşımızda etdiyi bütün hərəkətlər İslam inqilabına görədir. İnqilab düşmənin siyasi köklərini ölkədən kəsdi. Mövzu 1 ilin, 2 ilin yaxud 5 ilin mövzusu deyil. Döyüş, millətin millətin ziddinə olanlarla döyüşüdür. Döyüş, İranın İranın ziddinə olanlarla döyüşüdür. Döyüş, İslamın İslamın ziddinə olanlarla döyüşüdür və bu davam edəcək. Düşmən hər dəfə nəsə etməyə çalışır. Amma xalqın iradəsi və möhkəm səddi ilə qarşılaşır. Bu dəfə də millət tam gücüylə ABŞ-a, İngiltərəyə və Londondakılara “bacarmadınız və heç vaxt bacarmayacaqsınız” söylədi.

Xalqın həqiqi tələblərilə törədilən vəhşiliklər arasında fərq qoymalıyıq. Bayrağı yandırmağın, Quranı və İslamı təhqir etməyin xalqın tələblərilə heç bir əlaqəsi yoxdur. Son günlər baş verənlər haqqında təhlillər aparılır və hamısında ortaq mövqe budur ki, haqlı tələblərlə küçəyə çıxanlar və vəhşiliklər törədənlər ayrı-ayrı dəstələrdilər. Bir dəstə insan məhrum olduğu bir şey üçün çıxıb etirazını bildirir. Amma bundan istifadə efərək onlara qoşulub bayrağı yandırmaq, Quran və İslamı təhqir etmək, məscidə od vurmaq ayrı bir işdir. Bunları bir-birilə qarışdırmamalıyıq. Xalqa öz etiraz səsini bildirmək haqqı həmişə verilib. Bizə hər dəfə filan şəhərdə ya məntəqədə filan müəssisə, idarə yaxud parlament qarşısında camaatın etiraz etməsi məlumatı verilir. Heç kəs də onlarla sərt davranmır. Amma gərək onlar dinlənilə və problemləri həll edilə. İğtişaş törədənlər xaricdəni darə olunurdular.

Baş verən hadisələrdə ABŞ və sionistlər neçə aydır ki, İran haqqında bir plan üzrə işləyirdilər. Kiçik şəhərlərdən başlayıb böyük şəhərlərə və oradan paytaxta istiqamətlənən bir hərəkat üzrə işləyirdilər. Amma bunun üçün pul lazım idi və ABŞ pul xərcləmək istəmirdi. Bu pulu körfəz ölkələri verdilər. Sonra isə “Xalq Mücahidləri” terror təşkilatı “Bahaçılığa yox” şüarı ilə etirazlara başladılar. Bu elə bir şüardır ki, hamının xoşu gəlir. Camaat onlara qoşuldu. İnsanlar onlara qoşuldu və camaatı öz məqsədlərinə qarşı yönləndirdilər. Bir tərəfdən “canım İrana fəda olsun” deyirdilər, digər tərəfdən bayrağı yandırırdılar. Şüursuzlar anlamırdılar ki, bu iki şey bir-birilə düz gəlmir. Ümumiyyətlə siz nə vaxt canınızı İrana qurban verməyə hazır olmusuz? Müharibə zamanı canını düşmən müqabilində sipər edən və 300.000 şəhid olanlar inqilabçı və hizbullahçı adamlar olublar. Siz o zaman harada idiz ki, indi “canım İrana fəda olsun” deyirsiz?”

ABŞ hazırda qəzəb içindədir. Amma təkcə məndən yox. Sizdən, İran xalqından, İran dövlətindən ki, yenə məğlub oldular. İndi də ABŞ-ın dövlət nümayəndələri deyir ki, İran höküməti xalqından qorxur. Xalqdan niyə qorxmalıyıq? İran dövləti xalqdan yaranıb və xalqa məxsusdur. Sonra deyirlər İran dövləti ABŞ-dan qorxur. Əgər ABŞ-dan qorxuruqsa, necə oldu sizi 80-ci illərdə İrandan bayıra və indi də regiondan bayıra atırıq? ABŞ rəhbərləri bunu bilsinlər ki, hədəfləri boşa çıxdı. Mümkündür yenə cəhd etsinlər. Amma bilsinlər ki, yenə başları daşa dəyəcək. Bilsinlər ki, bu neçə gündə bəzi zərərlər vurublar ki, bu cavabsız qalmayacaq. ABŞ-ın başında olan o zahirdə normal adam olmayan bilsin ki, bu nümayişkaranə dəlilikləri cavabsız qalmayacaq. Həmçinin xaricdə və çox təəssüf daxildə olan amerikasevərlər də bilsinlər ki, hökümət möhkəm dayanıb və Allahın lütfü ilə bütün çətinlikləri, problemləri və zəiflikləri aradan qaldıracaq”.

 

 

Mənbə

Leave a Reply

Your email address will not be published. Required fields are marked *